Васіль Герасімаў прыняў удзел у пасяджэнні Сенненскага райвыканкама і вывучыў сітуацыю ў раёне па правядзенні меліярацыі

Старшыня Камітэта дзяржкантролю Васіль Герасімаў прыняў удзел 21 кастрычніка 2022 года ў пасяджэнні Сенненскага райвыканкама, а таксама вывучыў сітуацыю ў раёне па правядзенні меліярацыйных работ.

На пасяджэнні райвыканкама разгледжаны пытанні захавання зямельнага і прыродаахоўнага заканадаўства суб'ектамі гаспадарання раёна. Адзначана, што ў Сенненскім раёне недастаткова арганізавана работа па ўключэнню зямель у сельскагаспадарчы абарот - вынікі праверак паказваюць, што за апошнія гады павялічылася плошча зямель, якія выбылі з сельгасабароту.

Васіль Герасімаў паставіў перад кіраўніцтвам раёна задачу навесці парадак на сельгасземлях і максімальна ўцягнуць у абарот участкі, якія не выкарыстоўваюцца, забяспечыўшы комплекс першачарговых меліярацыйных работ. Па выніках пасяджэння рашэнне райвыканкама павінна быць дапрацавана з улікам канкрэтных даручэнняў і абмеркавання.

Таксама на пасяджэнні абмеркавана работа сістэмы адукацыі раёна, у тым ліку па патрыятычным выхаванні моладзі. Адзначана, што яна павінна весціся сістэмна і няспынна. Акрамя таго, трэба ўдзяліць больш увагі працоўнаму выхаванню моладзі.

Пасля заканчэння пасяджэння выканкама кіраўнік КДК вывучыў сітуацыю ў раёне па правядзенні меліярацыйных работ.

Ён азнаёміўся з работай філіяла "Віцебская доследная меліярацыйная станцыя Інстытута меліярацыі" і РУП "Інстытут меліярацыі". З кіраўніцтвам прадпрыемстваў абмеркаваны пытанні ўкаранення перадавых практык пры правядзенні меліярацыйных работ. Акрамя таго, Васіль Герасімаў наведаў сельскагаспадарчыя ўгоддзі ў ААТ "Белая ліпа", дзе зараз вядуцца работы па рэканструкцыі меліярацыйных сістэм. Пасля іх заканчэння тут будзе ўцягнута ў абарот каля 400 га сельгасземляў.