Спынена супрацьпраўная дзейнасць кіраўніка ТАА "Студыя граніту RG". З мэтай кампенсацыі ўрону фізічным асобам накладзены арышт на маёмасць бізнесмена

Дэпартаментам фінансавых расследаванняў Камітэта дзяржкантролю сумесна са Следчым камітэтам спынена супрацьпраўная дзейнасць, звязаная з вырабам і ўстаноўкай магільных помнікаў і надмагілляў.

Устаноўлена, што кіраўнік камерцыйнага прадпрыемства "Студыя граніту RG" С.А. Рудэнка з лістапада 2022 года па сакавік 2023 года на ўмовах перадаплаты абяцаў вырабіць і ўсталяваць магільныя помнікі і надмагіллі. Дагаворы аб іх вырабе і ўстаноўцы, а таксама дадатковыя пагадненні да іх на ўмовах папярэдняй аплаты з грамадзянамі Беларусі заключалі работнікі прадпрыемства. Сам С.А.Рудэнка ў гэты час пражываў на тэрыторыі Польшчы.

Падазроны першапачаткова не збіраўся выконваць узятыя на сябе абавязацельствы. Тэрмін выканання дамоваў працягваўся па яго ўказанні са спасылкай на загружанасць вытворчасці. Хаця ў гэты час вытворчая дзейнасць прадпрыемства ўжо была спынена: работнікі звольнены, закуп матэрыялаў спынены.

Цяпер устаноўлена больш за 200 пацярпелых па ўсёй краіне, а сума ўрону перавысіла мільён рублёў.

З улікам сабраных матэрыялаў Генеральнай пракуратурай у дачыненні да С.А.Рудэнка ўзбуджана крымінальная справа па ч. 4 арт. 209 (махлярства, учыненае ў асабліва буйным памеры) Крымінальнага кодэкса Рэспублікі Беларусь.

З мэтай кампенсацыі ўрону пацярпелым Дэпартаментам фінансавых расследаванняў ва ўзаемадзеянні са Следчым камітэтам праведзены шэраг следчых мерапрыемстваў, дзякуючы якім удалося ўстанавіць і накласці арышт на маёмасць прадпрыемства і бізнесмена. Сярод арыштаванай маёмасці: 12 аўтамабіляў, 3 кватэры, 2 загарадныя дамы, а таксама вытворчыя будынкі і збудаванні.

Цяпер С.А.Рудэнка завочна прад'яўлена абвінавачанне. Ён аб'яўлены ў міжнародны вышук.