Па выніках маніторынгу Камітэта дзяржкантролю Гомельскай вобласці 32 работнікам ААТ «Шчадрынскае» ажыццёўлена даплата да заробку
06.04.2020
Факты парушэнняў працоўнага заканадаўства і іншыя недахопы ў дзейнасці ААТ «Шчадрынскае» Жлобінскага раёна выяўлены Камітэтам дзяржаўнага кантролю Гомельскай вобласці. Маніторынгі на сельгаспрадпрыемстве былі праведзены 17 і 26 сакавіка (паўторна).
Устаноўлена, што ў студзені бягучага года зарплата 32 работнікаў сельгаспрадпрыемства, цалкам адпрацаваўшых норму працоўнага часу і якія выканалі свае працоўныя абавязкі, была ніжэй мінімальнай заработнай платы (з 1 студзеня 2020 года МЗП устаноўлена ўрадам у памеры 375 рублёў). У парушэнне арт. 59 Працоўнага кодэкса наймальнік не зрабіў даплату работнікам да ўзроўню дзяржаўнага мінімальнага сацыяльнага стандарту ў галіне аплаты працы. Усяго за студзень было неданалiчана амаль 6587 рублёў заработнай платы.
Пра выяўленыя факты праінфармаваны Гомельскі аблвыканкам, Жлобінскі райвыканкам, дадзены рэкамендацыі кіраўніку ААТ «Шчадрынскае» аб ліквідацыі выяўленых парушэнняў і недахопаў.
Даплата да мінімальнай заработнай платы 32 работнікам ААТ «Шчадрынскае» праведзена да 1 красавіка бягучага года ў поўным аб'ёме.
