Леанід Анфімаў вывучыў ход пасяўной кампаніі ў гаспадарках Віцебскай вобласці
14.04.2020
Старшыня Камітэта дзяржаўнага кантролю Леанід Анфімаў здзейсніў 13-14 красавіка 2020 года рабочую паездку ў Віцебскую вобласць. На працягу двух дзён ён вывучаў ход пасяўной кампаніі ў рэгіёне.
Кіраўнік кантрольнага ведамства азнаёміўся з арганізацыяй вясновых палявых работ у сельскагаспадарчых прадпрыемствах Докшыцкага, Глыбоцкага, Лепельскага, Пастаўскага, Ушацкага, Мiёрскага, Браслаўскага і Шаркаўшчынскага раёнаў. Таксама ў шэрагу гаспадарак вывучаны ход будаўніцтва малочнатаварных ферм, пытанні наяўнасці свабодных ёмістасцяў для магчымага складавання нафтапрадуктаў і ўмовы захоўвання мінеральных угнаенняў.