Камітэт дзяржкантролю і Інстытут эканомікі НАН Беларусі будуць супрацоўнічаць у пытаннях забеспячэння эканамічнай бяспекі

Сёння Старшыня Камітэта дзяржкантролю Васіль Герасімаў правёў сустрэчу з кіраўніцтвам Інстытута эканомікі НАН Беларусі, у ходзе якой былі абмеркаваны пытанні ўзаемадзеяння кантрольнага ведамства і прадстаўнікоў навуковай супольнасці. Мерапрыемства адбылося пры ўдзеле Старшыні Прэзідыума НАН Беларусі Уладзіміра Гусакова.

Васіль Герасімаў адзначыў, што ініцыятыва аб'яднання намаганняў кантрольнага ведамства і Інстытута эканомікі, з якой выступіў КДК, была падтрымана Кіраўніком дзяржавы. Старшыня Камітэта дзяржкантролю падкрэсліў, што інтэграцыя навукі і кантрольнай дзейнасці павінна стаць узаемадапаўняльнай і накіравана на правядзенне практыкаарыентаваных даследаванняў, вынікі якіх будуць укараняцца ў эканоміку краіны.

Цяпер у ліку галоўных задач КДК - правядзенне комплексных мерапрыемстваў па выяўленні сістэмных парушэнняў заканадаўства і адмоўных тэндэнцый у эканоміцы і сацыяльнай сферы, выяўленне рэзерваў павышэння эфектыўнасці эканамічнай дзейнасці, якія не выкарыстоўваюцца. У сваю чаргу на Інстытут эканомікі НАН Беларусі ўскладзена правядзенне навуковых даследаванняў у сферы эканомікі.

Прадугледжваецца, што ўстанаўленне сувязі навуковых даследаванняў у галіне эканомікі з практычнымі вынікамі кантрольнай дзейнасці дасць магчымасць павысіць эфектыўнасць вырашэння ключавых задач па забеспячэнню эканамічнай бяспекі краіны і яе сацыяльна-эканамічнага развіцця. Гэта ўзаемадзеянне плануецца ажыццяўляць па напрамках дзейнасці Камітэта дзяржкантролю.

Па выніках сустрэчы Васіль Герасімаў і Уладзімір Гусакоў падпісалі рашэнне аб унясенні змяненняў у Статут Інстытута эканомікі НАН Беларусі ў частцы ўзаемадзеяння паміж гэтай установай і Камітэтам дзяржкантролю.