Больш за ўсё званкоў на «гарачую лінію» КДК па даступнасці рынкаў для вытворцаў сельгаспрадукцыі паступіла аб стварэнні гандлёвых месцаў

У Камітэце дзяржаўнага кантролю 20 мая 2021 года адбылася «гарачая лінія» на тэму даступнасці рынкаў для вытворцаў сельскагаспадарчай прадукцыі. Усяго паступіла больш за 10 званкоў з Мінска, Магілёўскай, Гомельскай і Віцебскай абласцей.
У тэматыцы зваротаў больш за ўсё было просьбаў аб арганізацыі гандлёвых месцаў для жадаючых прадаць невялікую колькасць прадукцыі, вырашчанай ў асабістай падсобнай гаспадарцы (зеляніна, расада, гародніна, садавіна і г.д.).
Кожны зварот на «гарачую лінію» будзе прааналізаваны, дадзена аб'ектыўная ацэнка выкладзеным фактам.