Аляксандр Курлыпа сустрэўся са спецыялістамі Прадстаўніцтва Сусветнага банка ў Беларусі

Абмеркаваны пытанні ўдасканалення знешняга і ўнутранага фінансавага кантролю і аўдыту, а таксама праект канцэпцыі мадэрнізацыі сістэмы знешняга і ўнутранага фінансавага кантролю і аўдыту ў сектары дзяржаўнага кіравання Беларусі, работу над якім вядуць Міністэрства фінансаў і Прадстаўніцтва Сусветнага банка ў Беларусі. Удзельнікі сустрэчы абмяняліся меркаваннямі па гэтай тэме. 

Аляксандр Курлыпа праінфармаваў спецыялістаў Прадстаўніцтва Сусветнага банка ў Беларусі аб асноўных напрамках дзейнасці Камітэта дзяржкантролю. Асаблівую ўвагу ён надаў папераджальнай рабоце кантрольнага ведамства. 

«Цяпер асноўны ўпор у кантрольнай рабоце зроблены на правядзенні аўдытаў эфектыўнасці. Па іх выніках выпрацоўваюцца рэкамендацыі для правяраемых суб'ектаў. Задача - прадухіліць парушэнні », - адзначыў ён. 

Па выніках сустрэчы Аляксандр Курлыпа рэзюмаваў, што праведзены дыялог быў карысным для абодвух бакоў. Прадстаўнікі Камітэта дзяржкантролю адкрыты для далейшага абмеркавання пытанняў удасканалення кантролю.