Аляксандр Курлыпа прыняў удзел у пасяджэнні Віцебскага райвыканкама, правёў прыём грамадзян і прамую тэлефонную лінію
17.01.2020
Намеснік Старшыні Камітэта дзяржаўнага кантролю Аляксандр Курлыпа 17 студзеня 2020 года прыняў удзел у пасяджэнні Віцебскага раённага выканаўчага камітэта.
На пасяджэнні райвыканкама абмяркоўвалася пытанне ўцягнення ў гаспадарчы абарот маёмасці, якая не выкарыстоўваецца і неэфектыўна выкарыстоўваецца. Былі адзначаны недахопы ў рабоце выканкама па ўцягненні такіх аб'ектаў у гаспадарчы абарот, а таксама распрацаваны меры па выпраўленні сітуацыі.
У гэты ж дзень Аляксандр Курлыпа правёў прыём грамадзян і прамую тэлефонную лінію. Пытанні, з якімі звярнуліся да намесніка кіраўніка кантрольнага ведамства, тычыліся добраўпарадкавання населеных пунктаў Віцебскага раёна, знішчэння драўнінна-хмызняковай расліннасці ўздоўж дарог мясцовага значэння, мерапрыемстваў па барацьбе з баршчэўнікам Сасноўскага, работы аўтакрам, будаўніцтва станцыі абезжалезвання пітной вады і інш.