Акцыя "Ад усёй душы". Работнікі Камітэта дзяржкантролю павіншавалі падапечных дома-інтэрната для састарэлых і інвалідаў "ВЫТОК"

Пярвічная арганізацыя ГА БРСМ Камітэта дзяржаўнага кантролю прыняла ўдзел у рэспубліканскай дабрачыннай акцыі для пажылых людзей "Ад усёй душы".

Мэта акцыі - клопат аб старэйшым пакаленні, максімальнае ўцягванне моладзі ў пытанні аказання ім дапамогі і падтрымкі, адраджэнне сувязі пакаленняў.

Прадстаўнікі КДК павіншавалі падапечных дома-інтэрната са святамі, пажадалі здароўя і добрага настрою. І перадалі ўстанове настольныя гульні, канцылярскія тавары, тавары для рукадзелля.

Сёння ў ДУ «Дом-інтэрнат для састарэлых і інвалідаў «ВЫТОК» пражывае 80 чалавек. Самаму маладому пастаяльцу - 58 гадоў, узрост самага шаноўнага пражываючага тут - 103 гады.