Комитет государственного контроля Республики Беларусь
Прэс-цэнтр

Навіны ДФР

14.01.2020 Работнікі органаў фінансавых расследаванняў раскрылі схему неабгрунтаванага пасрэдніцтва пры пастаўках зерня на перапрацоўчыя прадпрыемствы
Работнікі Барысаўскага міжрайаддзела ўпраўлення Дэпартамента фінансавых расследаванняў Камітэта дзяржкантролю па Мінскай вобласці і г. Мінску раскрылі схему неабгрунтаванага пасрэдніцтва пры пастаўках расійскага зерня на беларускія перапрацоўчыя прадпрыемствы.

Падчас правядення аператыўных мерапрыемстваў было ўстаноўлена, што шэры імпарт арганізавалі два мінчаніна. У 2017-2018 гадах яны закуплялі зерне сельскагаспадарчых культур (авёс, пшаніца, ячмень, рапс) у Расіі за наяўны разлік і ўвозілі ў Беларусь без афармлення адпаведных таварасуправаджальных дакументаў.

Каб стварыць бачнасць легальнага бізнесу, мінчане зарэгістравалі ў якасці індывідуальнага прадпрымальніка жыхара Мінскага раёна, які вядзе асацыяльны лад жыцця. Па ягоных дакументах яны прадавалі расійскае зерне па завышаных цэнах айчынным перапрацоўчым прадпрыемствам, што цягнула за сабой падаражэнне выпускаемай прадукцыі.

Акрамя таго, сталічныя дзялкі не выплачвалі падаткі за падкантрольнага ім прадпрымальніка - у бухгалтарскі ўлік змяшчаліся фіктыўныя дакументы, атрыманыя ад арганізацый, якія маюць прыкметы лжэпрадпрымальніцкіх структур. Як вынік, у бюджэт не паступіла больш за 230 тыс. рублёў падаткаў.

Упраўленнем Следчага камітэта па г. Мінску ў адносiнах да арганізатараў незаконнай схемы ўзбуджана крымінальная справа па ч. 2 арт. 243 Крымінальнага кодэкса (ухіленне ад выплаты падаткаў, звязанае з атрыманнем даходу ў асабліва буйным памеры). Праводзіцца папярэдняе расследаванне, на маёмасць падазроных наложаны арышт.
© Камітэт дзяржаўнага кантролю Рэспублікі Беларусь, 2011-2020 г.
Дызайн і распрацоўка: БЕЛТА
Распрацоўка версій сайта:
Група кампаній «ЦВР «Кастрычніцкі»