Навіны

Выконваючы абавязкі старшыні Камітэта дзяржаўнага кантролю Васіль Герасімаў 18 верасня 2020 года прыняў удзел у пасяджэнні Магілёўскага аблвыканкама, на якім разглядалася пытанне «Аб гатоўнасці да работы ў асенне-зімовы перыяд 2020/2021 года».
Васіль Герасімаў абазначыў праблемныя пытанні, для вырашэння якіх неабходна прыняцце дадатковых мер. Ён адзначыў, што недапушчальна зацягваць атрыманне арганізацыямі ЖКГ пашпартоў гатоўнасці да работы ў асенне-зімовы перыяд. Выконваючы абавязкі кіраўніка кантрольнага ведамства зрабіў акцэнт на тым, што аб'екты жыллёвага фонду неабходна загадзя прыводзіць у належны стан у міжацяпляльны перыяд. Ён звярнуў увагу прадстаўнікоў мясцовых органаў улады і камунальных арганізацый на такое актуальнае пытанне, як пагашэнне пратэрмінаванай запазычанасці за драўнянае паліва (сыравіну), адпушчанае арганізацыямі Мінлясгаса арганізацыям ЖКГ, і за тарфяное паліва, рэалізаванае арганізацыямі Мінэнерга палівазабеспячальным арганізацыям. Размова ішла і аб выкараненні практыкі парушэння тэрмінаў аплаты спажытых арганізацыямі Магілёўскай вобласці прыроднага газу, электрычнай і цеплавой энергіі, а таксама аб паскарэнні тэмпаў рэканструкцыі дзвюх кацельняў з павышаным расходам паліва, якія абслугоўваюць аб'екты сацыяльнага прызначэння ў Бабруйскім і Касцюковіцкім раёнах.
Кіраўнік кантрольнага ведамства канстатаваў, што ў Камітэт дзяржкантролю больш за ўсё зваротаў паступае па камунальна-бытавых пытаннях і на тэму добраўпарадкавання. Нараканні грамадзян, як правіла, абумоўлены неналежным і несвоечасовым рэагаваннем арганізацый ЖКГ на іх заяўкі. Аблвыканкаму прапанавана прыняць адпаведныя меры рэагавання.
Акрамя таго, Васіль Герасімаў прапанаваў аблвыканкаму выпрацаваць аднастайны падыход да арганізацыі дзейнасці службаў «адно акно». Усе навіны