Галоўная / Медыя / Навіны

Навіны

15.04.2020

У аптэчнай і гандлёвай сетцы значна палепшылася сітуацыя з наяўнасцю тавараў павышанага попыту і цэнамі на іх

У аптэчнай і гандлёвай сетцы значна палепшылася сітуацыя з наяўнасцю тавараў павышанага попыту і цэнамі на іх
Камітэт дзяржаўнага кантролю па даручэнні Кіраўніка дзяржавы ажыццяўляе кантроль за сітуацыяй у гандлёвай і аптэчнай сетцы па пытаннях забеспячэння насельніцтва рэспублікі медыцынскімі сродкамі індывідуальнай аховы і антысептычнымі сродкамі, абгрунтаванасці фарміравання цэн на найбольш запатрабаваную прадукцыю. 


У канцы сакавіка - пачатку красавіка бягучага года праведзены кантрольна-аналітычныя мерапрыемства, якія выявілі праблемы з забеспячэннем аптэк і рознічнай гандлёвай сеткi медыцынскімі маскамі i антысептыкамi. З 283 аптэк, якiя падпалі пад маніторынг, маскі былі ў продажы толькі ў 48 (17%), антысептыкі - у 109 (38,5%). 


Сітуацыя з забяспечанасцю гэтымі таварамі была разгледжана 7 красавіка на пасяджэнні калегіі Камітэта дзяржкантролю з удзелам прадстаўнікоў канцэрнаў "Белдзяржхарчпрам" і "Беллегпрам", кіраўнікоў гандлёвых і аптэчных сетак. Дадзены даручэнні па выпраўленнi становішча. 


Забяспечанасць сродкамі індывідуальнай аховы значна палепшылася. Правядзенным 13 красавіка маніторынгам была ахоплена 1 081 аптэка. У 964 з іх (89,2%) меліся маскі (медыцынскія, санітарна-гігіенічныя), у 893 (82,6%) - антысептыкі на спіртавой аснове. 


Маніторынгі праведзены 13 красавіка і ў гандлёвай сетцы г. Мінска. Іх вынікі паказалі, што сітуацыя з фарміраваннем цэн на прадукцыю, якая карыстаецца павышаным попытам (лімоны, імбір, часнык і інш.), таксама палепшылася. 


Пры гэтым у ходзе маніторынгу ўстаноўлены парушэнні, звязаныя з фарміраваннем гандлёвымі аб'ектамі нацэнкі на тавары, якія падпадаюць пад дзяржаўнае рэгуляванне. Так, у адной са сталічных крамаў выяўлены факты рэалізацыі айчынных антысептыкаў, на якія гандлёвы аб'ект зрабiў нацэнку звыш прадугледжаных 15% (антысептык прадаваўся па цане 12,50 рубля пры кошце на заводзе-вытворцы 6 рублёў). Зараз разглядаецца пытанне аб прыцягненні суб'екта гандлю і яго службовых асоб да адміністрацыйнай адказнасці. 


Камітэт дзяржкантролю працягне праводзіць маніторынгі ў гандлёвай і аптэчнай сетцы. Пры выяўленні фактаў парушэння заканадаўства будуць прымяняцца жорсткія меры рэагавання.  

Усе навіны
Зваротная сувязь
Паведаміць аб завышэнні цэн на лекі Паведаміць аб завышэнні цэн на лекі Паведаміць аб завышэнні цэн на тавары Паведаміць аб завышэнні цэн на тавары Маніторынг аб'ектаў звышнарматыўнага будаўніцтва Маніторынг аб'ектаў звышнарматыўнага будаўніцтва Скажы не заробку "ў канверце" Скажы не
заробку "ў канверце"
Інтэрнэт-партал Прэзідэнта Рэспублікі Беларусь Інтэрнэт-партал Прэзідэнта Рэспублікі Беларусь Прававы форум Беларусі Прававы форум Беларусі Нацыянальны прававы інтэрнэт-партал Нацыянальны прававы інтэрнэт-партал Belarus.by - Афіцыйны сайт Рэспублікі Беларусь Belarus.by - Афіцыйны сайт Рэспублікі Беларусь Савет Міністраў Рэспублікі Беларусь Савет Міністраў Рэспублікі Беларусь