Большасць паведамленняў тычылася нездавальняючага і несвоечасовага выканання жыллёва-камунальнымі арганізацыямі накіраваных грамадзянамі заявак у службу 115. Грамадзяне паведамлялі аб цяжкасцях з дазвонам у службу 115 і выпадках некарэктных зносін аператараў пры прыёме заявак.
Значная колькасць зваротаў паступіла па пытаннях няякаснай уборкі месцаў агульнага карыстання, а таксама навядзення парадку на прыдамавой тэрыторыі, забеспячэння вулічнага асвятлення.
Напрыклад, у г. Мінску жыхары дамоў па вул.Парніковай, Ванеева, Грушаўскай, Кунцаўшчына адзначалі, што ўборка месцаў агульнага карыстання часта праводзілася толькі пасля неаднаразовых заявак у службу 115. Працяглы час грамадзяне вымушаны чакаць аднаўлення працы вулічных ліхтароў (у г.Магілёве па вул.Карабанаўскай, у г.Барысаве каля дамоў №№ 20 і 25 па вул.Я.Коласа, у г.Асіповічы каля дамоў №№ 32 і 34 па вул.Шолахава, у г.Рагачове па вул.Энгельса, у в. Емяльянава Смалявіцкага раёна).
У аг.Атоліна Мінскага раёна каля дамоў №№ 6, 8 і 10 па вул.Школьнай апоры асвятлення ўстаноўлены, а свяцілень няма. Аналагічная сітуацыя з асвятленнем лесвічных пляцовак (у г.Віцебску ў жылых дамах № 16 па вул.Чкалава і № 39 па праспекце Маскоўскаму і інш.).
Заяўнікі паведамлялі, што не выконваюцца заяўкі па пытаннях навядзення парадку ў падвальных памяшканнях, у тым ліку пасля затаплення адталымі (дажджавым) водамі.
Таксама паступілі звароты па пытаннях своечасовага капітальнага і бягучага рамонту вулічна-дарожнай сеткі, належнай уборкі ад снегу і апрацоўкі дарожнага пакрыцця пясчана-салянымі сумесямі вуліц і дарог.
Напрыклад, жыхары Мінскага раёна неаднаразова звярталіся па пытаннях рамонту асфальтабетоннага пакрыцця дарог і вуліц (у г.п. Мачулішчы, аг.Ждановічы і інш.), а таксама неабходнасці грэйдзіравання пясчана-жвіровых дарог (в. Пашкавічы і в. Клімавічы). Падобная сітуацыя ў аг.Цехцін Бялыніцкага раёна Магілёўскай вобласці, дзе са слоў жыхароў з 2019 года прынятыя службай 115 заяўкі па рамонце вуліц не выконваюцца, а закрываюцца з фармулёўкай "інфармацыя не пацверджана" або "дадзена кансультацыя".
Усе звароты пасля іх апрацоўкі будуць накіраваны ў мясцовыя органы ўлады для прыняцця неадкладных мер рэагавання. Камітэтам дзяржкантролю будзе забяспечаны кантроль за належным устараненнем выяўленых недахопаў.
У сувязі з вялікай колькасцю зваротаў Камітэтам дзяржкантролю прынята рашэнне аб падаўжэнні працы «гарачай» лініі да 27 студзеня.
Звярнуцца па пытаннях жыллёва-камунальнай гаспадаркі можна з 9-00 да 13-00 на кароткі нумар 191. Усе навіны
Cтаршыня Камітэта
Дэпартамент фінансавых расследаванняў
Дэпартамент фінансавага маніторынгу
Камітэты дзяржкантролю абласцей
