Галоўная / Медыя / Навіны

Навіны

12.07.2022

Парушэнні дысцыпліны цэн устаноўлены ў кожным пятым правераным гандлёвым аб'екце.

Парушэнні дысцыпліны цэн устаноўлены ў кожным пятым правераным гандлёвым аб'екце.
Камітэтам дзяржкантролю ў першым паўгоддзі бягучага года праведзены кантрольна-аналітычныя мерапрыемствы ў 1212 гандлёвых аб'ектах. Парушэнні выяўлены ў 862 аб'ектах.

Так, у 425 гандлёвых аб'ектах (35,1 працэнта ад колькасці правераных) не выконваліся асартыментныя пералікі тавараў, у 330 (27,2 працэнта) выяўлены парушэнні санітарных норм і правілаў (напрыклад, індывідуальным прадпрымальнікам у аг. Жарнаўка Асіповіцкага раёна ажыццяўлялася рэалізацыя тавараў са скончанымі да 491 сутак тэрмінамі прыдатнасці), у 161 (13,3%) - патрабаванняў тэхнічных нарматыўных прававых актаў.

Асаблівая ўвага падчас правядзення кантрольных мерапрыемстваў нададзена пытанням захавання дысцыпліны цэн. У цэлым завышэнні цэн выяўлены ў 237 (19,6 працэнта) гандлёвых аб'ектах (па выніках кантрольных мерапрыемстваў цэны зніжаны да ўзроўню, які адпавядае заканадаўству).

Напрыклад, пры праверцы аднаго з сеткавых рытэйлераў, які мае гандлёвыя аб'екты па ўсёй рэспубліцы, устаноўлены факты значнага перавышэння гранічных устаноўленых заканадаўствам гандлёвых надбавак на 85 найменняў нехарчовых тавараў (туалетная папера, зубная паста, панчошна-шкарпэткавыя вырабы для дзяцей, папяровыя сурвэткі і інш.). У крамах сеткі на асобныя тавары прымянялася гандлёвая надбаўка (з улікам аптовай надбаўкі) у памеры да 154,8% замест 30%. Агульная сума завышэнняў склала звыш 56 тыс. руб.

Гэтай жа гандлёвай сетцы вынесена каля 100 прадпісанняў аб выключэнні з абарачэння і забароне рэалізацыі няякасных імпартных тавараў. З рэалізацыі знята каля 40 тыс. адзінак прадукцыі, якая не адпавядае патрабаванням заканадаўства па якасці і маркіроўцы.

Усяго па выніках праведзеных у першай палове 2022 года праверак і маніторынгаў правапарушальнікам накіраваны 436 рэкамендацый аб ліквідацыі парушэнняў і недахопаў. Да адміністрацыйнай і дысцыплінарнай адказнасці прыцягнуты 260 чалавек, 36 суб'ектаў гаспадарання аштрафаваны на суму 14,5 млн. руб.

За грубыя парушэнні заканадаўства прыпынялася дзейнасць 21 гандлёвага аб’екта. 
Усе навіны
Зваротная сувязь
Паведаміць аб завышэнні цэн на лекі Паведаміць аб завышэнні цэн на лекі Паведаміць аб завышэнні цэн на тавары Паведаміць аб завышэнні цэн на тавары Маніторынг аб'ектаў звышнарматыўнага будаўніцтва Маніторынг аб'ектаў звышнарматыўнага будаўніцтва Скажы не заробку "ў канверце" Скажы не
заробку "ў канверце"
Інтэрнэт-партал Прэзідэнта Рэспублікі Беларусь Інтэрнэт-партал Прэзідэнта Рэспублікі Беларусь Прававы форум Беларусі Прававы форум Беларусі Нацыянальны прававы інтэрнэт-партал Нацыянальны прававы інтэрнэт-партал Belarus.by - Афіцыйны сайт Рэспублікі Беларусь Belarus.by - Афіцыйны сайт Рэспублікі Беларусь Савет Міністраў Рэспублікі Беларусь Савет Міністраў Рэспублікі Беларусь