Камітэтам дзяржаўнага кантролю сфарміраваны планы выбарачных праверак у абласцях і г.Мінску на першае паўгоддзе 2023 года. У планы ўключаны праверачныя мерапрыемствы ўсіх кантралюючых і наглядных органаў рэспублікі.
Усяго на першае паўгоддзе 2023 года запланавана 2520 праверак, з іх 1909 (76%) - праверкі наглядных органаў (пытанні, якія тычацца забеспячэння бяспекі жыцця, здароўя грамадзян і навакольнага асяроддзя). 260 суб'ектаў будуць правераны ў рамках сумесных праверак адначасова некалькімі кантралюючымі (нагляднымі) органамі.
У сувязі з актыўнай работай, якая праводзіцца кантралюючымі (нагляднымі) органамі па аптымізацыі кантрольнай (нагляднай) нагрузкі на суб'екты гаспадарання, а таксама па ўзмацненню дыстанцыйнага кантролю з дапамогай інфармацыйных рэсурсаў запланавана на 33,6% праверак менш, чым год таму.
Найбольшая колькасць праверак запланавана органамі МНС - 606 (24% ад агульнай колькасці), Мінпрацы і сацабароны - 428 (17%), Мінпрыроды - 305 (12,1%), Дзяржстандарту - 271 (10,8%), Мінфіна - 207 ( 8,2%), Белстата - 186 (4,5%), Мінтранса - 125 (5,0%), Міністэрства аховы здароўя - 124 (4,9%). Пры гэтым органы МНС і Міністэрства аховы здароўя запланавалі адпаведна 43% і 70% праверак менш, чым на першае паўгоддзе 2022 года.
Органамі Камітэта дзяржкантролю запланавана 97 праверак (3,8% ад агульнай колькасці). У планы выбарачных праверак на першае паўгоддзе 2023 года ў г.Мінску ўключаны 316 праверак, у Брэсцкай вобласці - 404, у Віцебскай - 327, у Гомельскай - 348, у Гродзенскай - 349, у Мінскай - 393, у Магілёўскай - 383.
Усе навіны