Комитет государственного контроля Республики Беларусь
Прэс-цэнтр

Навіны

29.09.2020 Літоўская кампанія недаплаціла ў бюджэт Беларусі больш за 2,9 млн. рублёў падаткаў



Літоўская камерцыйная арганізацыя недаплаціла ў бюджэт Беларусі больш за 2,9 млн. рублёў падаткаў ад рэалізацыі беларускім суб'ектам лому каляровых металаў. Супрацьпраўная дзейнасць замежнай кампаніі на тэрыторыі рэспублікі выяўлена і спынена Дэпартаментам фінансавых расследаванняў.
У Мінску знаходзіліся органы кіравання замежнай арганізацыі, пячаткі і сродкі аддаленага доступу да яе разліковага рахунку, тут жа праводзіліся перамовы, падпісваліся і афармляліся таварасуправаджальныя дакументы адносна паставак беларускім суб'ектам лому каляровых металаў і іх кошту, а таксама ажыццяўляліся расходныя аперацыі па разліковым рахунку. Такім чынам, на тэрыторыі Беларусі было пастаяннае месца дзейнасці зарэгістраванай у Літве замежнай арганізацыі, праз якое яна на працягу 2019 года ажыццяўляла сваю прадпрымальніцкую дзейнасць і, такім чынам, павінна была выплачваць падаткі ў беларускі бюджэт.
Усяго ў мінулым годзе ад прадпрымальніцкай дзейнасці на тэрыторыі Беларусі замежная кампанія атрымала больш 9,2 млн. рублёў выручкі.
Сума нявыплачаных у бюджэт падаткаў перавысіла 2,9 млн. рублёў.
Па дадзеных фактах упраўленнем Дэпартамента фінансавых расследаванняў Камітэта дзяржкантролю па Гомельскай вобласці ўзбуджана крымінальная справа.
© Камітэт дзяржаўнага кантролю Рэспублікі Беларусь, 2011-2020 г.
Дызайн і распрацоўка: БЕЛТА
Распрацоўка версій сайта:
Група кампаній «ЦВР «Кастрычніцкі»