Галоўная / Медыя / Навіны

Навіны

24.01.2020

Дзмітрый Баско прыняў удзел у пасяджэнні Добрушскага райвыканкама, правёў прамую тэлефонную лінію і прыём грамадзян

Дзмітрый Баско прыняў удзел у пасяджэнні Добрушскага райвыканкама, правёў прамую тэлефонную лінію і прыём грамадзян
Намеснік Старшыні Камітэта дзяржаўнага кантролю Дзмітрый Баско ў ходзе рабочай паездкі ў Гомельскую вобласць 24 студзеня 2020 года прыняў удзел у пасяджэнні Добрушскага раённага выканаўчага камітэта, правёў прамую тэлефонную лінію і прыём грамадзян.

На пасяджэнні райвыканкама разглядаліся пытанні сацыяльна-эканамічнага развіцця рэгіёну і выканання ў Добрушскім раёне мерапрыемстваў Дзяржаўнай праграмы «Здароўе народа і дэмаграфічная бяспека Рэспублікі Беларусь» на 2016-2020 гады.

Дзмітрый Баско адзначыў, што ў ходзе абмеркавання гэтых пытанняў неабходна перайсці ад канстатацыі дасягнутых паказчыкаў да праблем у эканоміцы і сацыяльнай сферы і пошуку шляхоў іх вырашэння. Асаблівы акцэнт быў зроблены на фінансавым становішчы горадаўтваральных прамысловых прадпрыемстваў Добрушскага раёна, сітуацыі ў жывёлагадоўчай галіне, падзенні аб'ёмаў вытворчасці сельгаспрадукцыі, таварным забеспячэнні гандлёвых аб'ектаў спажыўкааперацыі, а таксама на пытаннях занятасці, працы і заработнай платы.

На прамую тэлефонную лінію і асабісты прыём да намесніка кіраўніка кантрольнага ведамства звярнуліся не толькі жыхары Добрушскага раёна, але і г. Гомеля. Тэматыка зваротаў тычылася працаўладкавання, экалогіі, аздараўлення, гандлёвага абслугоўвання насельніцтва, платы за спажытую электраэнергію і інш.

Так, жыхар г. Добруша выказаў занепакоенасць наконт пантоннага моста праз раку Іпуць, які, па яго словах, «прагнуўся» пасля водапаніжэння. КУП «Добрушскі камунальнік» даручана прывесці мост у належны стан.

Жыхарка Кругаўца-Калініна звярнулася па пытанні транспартнага абслугоўвання. Яна патлумачыла, што пяць дзён у тыдзень у аграгарадок прыязджае маршрутка, а ў выхадныя і святочныя дні ў населены пункт з тысячным насельніцтвам няма ніводнага рэйса. Дзмітрый Баско даручыў мясцовым уладам разабрацца ў сітуацыі, якая склалася.

Усе пытанні, агучаныя грамадзянамі, ўзяты на кантроль. 
Усе навіны
Зваротная сувязь
Паведаміць аб завышэнні цэн на лекі Паведаміць аб завышэнні цэн на лекі Паведаміць аб завышэнні цэн на тавары Паведаміць аб завышэнні цэн на тавары Маніторынг аб'ектаў звышнарматыўнага будаўніцтва Маніторынг аб'ектаў звышнарматыўнага будаўніцтва Скажы не заробку "ў канверце" Скажы не
заробку "ў канверце"
Інтэрнэт-партал Прэзідэнта Рэспублікі Беларусь Інтэрнэт-партал Прэзідэнта Рэспублікі Беларусь Прававы форум Беларусі Прававы форум Беларусі Нацыянальны прававы інтэрнэт-партал Нацыянальны прававы інтэрнэт-партал Belarus.by - Афіцыйны сайт Рэспублікі Беларусь Belarus.by - Афіцыйны сайт Рэспублікі Беларусь Савет Міністраў Рэспублікі Беларусь Савет Міністраў Рэспублікі Беларусь