Галоўная / Медыя / Навіны

Навіны

09.06.2021

Больш за 150 працаўнікоў КДК будуць кантраляваць ход уступнай кампаніі

Больш за 150 працаўнікоў КДК будуць кантраляваць ход уступнай кампаніі


Першае пасяджэнне дзяржаўнай камісіі па кантролі за ходам падрыхтоўкі і правядзення ўступных выпрабаванняў ва ўстановах вышэйшай і сярэдняй спецыяльнай адукацыі ў 2021 годзе адбылося 9 чэрвеня ў Мінску. У мерапрыемстве ўзялі ўдзел старшыня дзяржкамісіі, віцэ-прэм'ер Ігар Петрышэнка, намеснік старшыні дзяржкамісіі, намеснік кіраўніка кантрольнага ведамства Дзмітрый Баско, члены дзяржкамісіі, работнікі Камітэта дзяржкантролю.
Асноўнай задачай дзяржкамісіі з'яўляецца кантроль за прадастаўленнем абітурыентам роўных магчымасцей пры паступленні ва ўстановы вышэйшай і сярэдняй спецыяльнай адукацыі. «Традыцыйна кантроль будзе арганізаваны на трох узроўнях: на ўзроўні дзяржкамісіі, створанай рашэннем Кіраўніка дзяржавы, абласных камісій і камісій ва ўстановах адукацыі, - адзначыў Дзмітрый Баско. - Кантроль будзе ажыццяўляцца на ўсіх этапах уступнай кампаніі, усяго задзейнічана больш за 150 работнікаў Камітэта дзяржкантролю. Іх асноўная задача - арганізаваць працу на належным узроўні, каб уступныя выпрабаванні прайшлі ў спакойнай і дзелавой атмасферы».
Для забеспячэння дзейнасці дзяржкамісіі створана рабочая група, якую ўзначальвае начальнік галоўнага ўпраўлення кантролю бюджэтна-фінансавай сферы Камітэта дзяржаўнага кантролю Юлія Аўхукова.
Камісіі па кантролі за ходам уступных выпрабаванняў будуць працаваць ва ўстановах вышэйшай і сярэдняй спецыяльнай адукацыі. Старшынямі такіх камісій з'яўляюцца члены дзяржкамісіі, намеснікамі - работнікі Камітэта дзяржкантролю, членамі - прадстаўнікі дзяржаўных органаў і арганізацый сістэмы адукацыі, грамадскіх арганізацый.
Для аператыўнага рэагавання на звароты грамадзян па пытаннях, звязаных з правядзеннем уступных выпрабаванняў, на базе Камітэта дзяржкантролю Беларусі, абласных камітэтаў дзяржкантролю арганізавана работа «гарачай лініі», будзе ажыццяўляцца асабісты прыём абітурыентаў і іх бацькоў.
Усе навіны
Зваротная сувязь
Паведаміць аб завышэнні цэн на лекі Паведаміць аб завышэнні цэн на лекі Паведаміць аб завышэнні цэн на тавары Паведаміць аб завышэнні цэн на тавары Маніторынг аб'ектаў звышнарматыўнага будаўніцтва Маніторынг аб'ектаў звышнарматыўнага будаўніцтва Скажы не заробку "ў канверце" Скажы не
заробку "ў канверце"
Інтэрнэт-партал Прэзідэнта Рэспублікі Беларусь Інтэрнэт-партал Прэзідэнта Рэспублікі Беларусь Прававы форум Беларусі Прававы форум Беларусі Нацыянальны прававы інтэрнэт-партал Нацыянальны прававы інтэрнэт-партал Belarus.by - Афіцыйны сайт Рэспублікі Беларусь Belarus.by - Афіцыйны сайт Рэспублікі Беларусь Савет Міністраў Рэспублікі Беларусь Савет Міністраў Рэспублікі Беларусь